გურჯაანის საგანმანათლებლო რესურსცენტრის ხელმძღვანელად კვლავ დალი მინდიაშვილი აირჩიეს.

საგანმანათლებლო რესურცენტრის ხელმძღვანელის პოზიციაზე ღია კონკურსი მთელი საქართველოს მასშტაბით გაიმართა.

გურჯაანის საგანმანათლებლო რესურცენტრის ხელმძღვანელის, დალი მინდიაშვილის განმარტებით, გასული წლის დეკემბრიდან იგი უკვე დანიშნული იყო ფუნქციათა შემსრულებლად და იმისთვის, რომ პროფესიული მოხელიდან საჯარო მოხელის პოზიციაზე დაწინაურებულიყო, კონკურსში წარმატებისთვის უნდა მიეღწია.

დალი მინდიაშვილის გარდა, გურჯაანის საგანმანათლებლო რესურსცენტრის ხელმძღვანელის პოზიციაზე კონკურსში მონაწილეობას 7 ადამიანი იღებდა.

“ეს იყო ჩვეულებრივი, ღია კონკურსი, რომელიც გამოცხადდა საქართველოს მასშტაბით ყველა რესურსცენტრში - რესურსცენტრის უფროსის პოზიციის დასაკავებლად. აქამდე ყველა ვიყავით ფუნქციათა შემსრულებლები, “ - ამბობს დალი მინდიაშვილი Speqtri.ge- სთან საუბარში.

მისივე თქმით, წარმატების მისაღწევად კონკურსანტებს გარკვეული საფეხურები უნდა გაევლოთ და კონკურსში გამარჯვება მისთვის ყველა საფეხურის წარმატებით გადალახვას ნიშნავს, რაც მეტად მნიშვნელოვანია.

“გარდა იმისა, რომ საფეხურები გავიარეთ, რათა აქამდე მოვსულიყავით, ძალიან მნიშვნელოვანია, რომ ბოლომდე გავიარე ყველა საფეხური და აღმოვჩნდი წარმატებული. Რა თქმა უნდა ასეთი წარმატება, ყველასთვის სასიამოვნო ფაქტი იქნება, მათ შორის ჩემთვის,” - გვეუბნება დალი მინდიაშვილი.

აღსანიშნავია, რომ დალი მინდიაშვილი რესურცენტრის ხელმძღვანელის თანამდებობას უკვე მესამე ვადით იკავებს. იგი აღნიშნულ თანამდებობაზე მუშაობდა 2006-2008 და 2015-2023 წლებში.