იუსტიციის მინისტრი საქართველოს მოქალაქეებს მიმართავს. მისი განცხადებით, აგვისტოს ომის გამოძიების პროცესი თითოეული მათგანის საქმეა და ეს ყველა ჩვენგანმა უნდა გავაცნობიეროთ. - "ჩემი მიმართვა ეხება საქართველოს ყველა მოქალაქეს − იქნება ის მმართველ გუნდსა და კოალიციაში, თუ ოპოზიციაში, მედიასა თუ საჯარო სამსახურში. აგვისტოს ომის საქმე არ არის რომელიმე მინისტრის საქმე, აგვისტოს ომის საქმე არ არის ერთი რომელიმე გამომძიებლისა თუ ჟურნალისტის საქმე: აგვისტოს ომის საქმე არის ქართული საქმე და ჩვენ, ყველამ ერთად, ერთიანი პოზიციით, შიდა კინკლაობისა და შეურაცხყოფის გარეშე, ეს სამართლებრივი გზა ერთად უნდა გავიაროთ და დავამტკიცოთ, რომ რუსეთი დაგვესხა თავს, ჩვენ განვიცადეთ ეთნიკური წმენდა, ოკუპაცია მიმდინარეა და სამხედრო დანაშაული რუსეთის მხრიდან არის სახეზე"−აღნიშნა წულუკიანმა.