დღეს, სამწუხაროდ ჯერ კიდევ ჩვენი ქვეყნის გამოწვევაა ის რადიკალური რევანშისტული ძალა, რომელიც ყველაფერს კადრულობს და მათი პროპაგანდისტული, სიცრუის მანქანა ყველაფერს შეეხო, ყველა ინსტიტუციას, ეკლესიას, პატრიარქს, ჯარს, პოლიციას, სასამართლოს

ძნელია, ემოციების გარეშე შეხვდე ამდენ ოლიმპიურ ვარსკვლავს. მივესალმოთ ჩვენს კანდიდატს, ვლადიმერ ხინჩეგაშვილს, გენო პეტრიაშვილს, ლაშა შავდათუაშვილს და ვაჟა მარგველაშვილს. დიდი მადლობა, ჩვენო საამაყო ვარსკვლავებო, ჩემპიონებო, - ამ სიტყვებით დაიწყო გამოსვლა საქართველოს პრემიერ-მინისტრმა ირაკლი ღარიბაშვილმა „ქართული ოცნების“ გორის მერობის კანდიდატის, ვლადიმერ ხინჩეგაშვილის წარდგენაზე.

გვაქვს სერიოზული, დეტალურად გაწერილი გეგმები თითოეული სექტორის მიმართულებით, იქნება ეს სოფლის მეურნეობა, ეკონომიკა, ადგილობრივი წარმოების განვითარება თუ სხვა, ინფრასტრუქტურა,- ამის შესახებ საქართველოს პრემიერ-მინისტრმა ირაკლი ღარიბაშვილმა „ქართული ოცნების“ გორის მერობის კანდიდატის, ვლადიმერ ხინჩეგაშვილის წარდგენისას განაცხადა.

მთავრობის მეთაურის თქმით, მხოლოდ სოფლის მეურნეობის მიმართულებით, იგეგმება 7 მილიარდი ლარის ინვესტიციის განხორციელება, რომ არც ერთი გოჯი მიწა არ დარჩეს დაუმუშავებელი და თანაბრად შეეხოს განვითარება ყველა რეგიონს და ყველა მუნიციპალიტეტს, შეიქმნას მეტი სამუშაო ადგილები.

„ჩვენი მიზანია, შეიქმნას მეტი გადამამუშავებელი საწარმოები, შემნახველი, სამაცივრე მეურნეობები, რომელიც მანამდეც ბევრი შეიქმნა რამდენიმე ათეული და ასეული. ძალიან ბევრი ბენეფიციარი ჰყავს იმ პროგრამებს, როგორიც არის მაგალითად - „აწარმოე საქართველოში“. მილიარდი ლარის ინვესტიცია განხორციელდა, რამდენიმე ათასი ახალი სამუშაო ადგილი შეიქმნა, მაგრამ ეს არ არის საკმარისი. ვგეგმავთ უახლოესი სამი წლის განმავლობაში 2 მილიარდ 500 მილიონი ლარის ინვესტიციას, 1300-მდე ახალი საწარმოს დაფინანსებას, რომლის ფარგლებშიც მინიმუმ 100 000 სამუშაო ადგილი შეიქმნება. გვაქვს ძალიან ამბიციური გეგმები ინფრასტრუქტურის მიმართულებით, რეგიონების განვითარების მიმართულებით, რომ ეტაპობრივად გარდავქმნათ ყველა რეგიონი, ყველა ქალაქი, ყველა მუნიციპალიტეტი თანამედროვე ევროპული ტიპის ქალაქებად. ამ ყველაფერს სჭირდება ძლიერი, წესიერი, კვალიფიციური გუნდი და ასეთი არის ჩვენი ხელისუფლება.

ჩვენ ძალიან დიდ ყურადღებას ვაქცევთ ადგილობრივი ხელისუფლების წარმომადგენლების და კანდიდატურების შერჩევას და დღეს დიდი პატივი მაქვს, რომ გორში წარმოგიდგინოთ ჩვენთვის ყველასთვის, საამაყო კაცი, ოლიმპიური ჩემპიონი, ახალგაზრდა, ენერგიული, რომელსაც აქვს თავისი ხედვა და გეგმა, როგორ მოემსახუროს გორს და საკუთარ მოსახლეობას - ვლადიმერ ხინჩეგაშვილი, კიდევ ერთხელ მინდა, მას მადლობა გადავუხადო, მან თავისი შრომით მიაღწია ძალიან დიდ წარმატებას, მიაღწია მწვერვალს. ამის იქით აღარ არსებობს არაფერი, გახდა ოლიმპიური ჩემპიონი და ახლა გადაწყვიტა, ემსახუროს საკუთარ მშობლიურ გორს და გორელებს, რომ კიდევ უფრო გააუმჯობესოს გორელების ყოველდღიური ცხოვრება, კიდევ უფრო გაალამაზოს ეს ისტორიული ულამაზესი ქალაქი. ამიტომ, მეგობრებო, საჭიროა მობილიზება, ჩვენ მშვიდად უნდა მივიდეთ არჩევნებზე, ძალიან გამჭვირვალედ ჩავატაროთ არჩევნები, მოვიგოთ მტკიცედ არჩევნები და გავაგრძელოთ ჩვენი ქვეყნის მსახურება და ჩვენი ქვეყნის განვითარება“, - განაცხადა პრემიერ-მინისტრმა.


[R]

სიტუაცია, მოვლენები, პროცესები უნდა გავხადოთ პროგნოზირებადი, პროგნოზირებადობის ან განჭვრეტადობის გარეშე, რა თქმა უნდა, ძალიან რთული იქნება, დაგეგმო შემდგომი ნაბიჯები ქვეყანაში, - ამის შესახებ საქართველოს პრემიერ-მინისტრმა ირაკლი ღარიბაშვილმა „ქართული ოცნების“ ქარელის მერობის კანდიდატის, ზაზა გულიაშვილის წარდგენისას განაცხადა.

მშვიდობა და სტაბილურობა არის მთავარი მონაპოვარი და თავისუფლება ზოგადად ჩვენი მოქალაქეების, რაც პირველმა ოქტომბერმა მოიტანა და განვითარება ყველა მიმართულებით, - ამის შესახებ საქართველოს პრემიერ-მინისტრმა ირაკლი ღარიბაშვილმა „ქართული ოცნების“ ქარელის მერობის კანდიდატის, ზაზა გულიაშვილის წარდგენისას განაცხადა.

თბილისის მერად კახა კალაძის არჩევის შემთხვევაში, დედაქალაქში „ჭკვიანი სატრანსპორტო სისტემა“ 2022 წლიდან ამოქმედდება, - ამის შესახებ ვიცე-მერმა ირაკლი ხმალაძემ სატრანსპორტო პოლიტიკის ძირითადი პროგრამების პრეზენტაციაზე განაცხადა.

„ქართულმა ოცნებამ“ საკუთარი კვლევები გაასაჯაროვა, რომლის თანახმად, მმართველ პარტიას 48,6%-იანი მხარდაჭერა აქვს.

ადგილობრივი თვითმმართველობის წინასაარჩევნო კამპანიის ფარგლებში, თბილისის მერობის კანდიდატი, კახა კალაძე და ისნის მაჟორიტარი დეპუტატობის კანდიდატი, კახაბერ ლაბუჩიძე ვაზისუბანში, კვაჭანტირაძის #30-ში და ჯუმბერ ლეჟავას ქუჩაზე მოსახლეობას შეხვდნენ.

თბილისის მერობის კანდიდატს კახა კალაძეს ადგილობრივი თვითმმართველობის არჩევნებში მოსახლეობის სრული მხარდაჭერის იმედი აქვს და მეორე ტურის ჩატარების საჭიროებას გამორიცხავს.

ამ არჩევნების შემდეგ, ქვეყანაში 3 წელი, 2024 წლამდე, არ იქნება არჩევნები და ეს 3 წელი უნდა იყოს აღმშენებლობის, მუშაობის, პროგრესის და განვითარების წლები