ეფექტური ლიდერობა ორგანიზაციის ზრდისა და წარმატებისთვის სასიცოცხლოდ მნიშვნელოვანია. სწორედ ამიტომ, თიბისიმ 2021 წელს ლიდერობის აკადემია დააარსა - მიზანი თანამშრომლებისთვის იმ უნარების განვითარებაზე ზრუნვაა, რომლებიც დღევანდელ დინამიურ გარემოში თავის დამკვიდრებისთვის აუცილებელია. 2021 წლიდან დღემდე, აკადემია ლიდერებს სხვადასხვა საერთაშორისო და ადგილობრივ პროგრამებს, სრული დაფინანსებით სთავაზობს.

ლიდერობის პროგრამები სტრუქტურირებული ინიციატივებია, რომლებიც მენეჯერულ როლებში მყოფი პირების უნარებისა და კომპეტენციების გასაუმჯობესებლად შეიქმნა. ამ პროგრამების უპირველესი მიზანი კონკრეტული ადამიანების ორგანიზაციული ინოვაციებისთვის, გუნდების ეფექტურად მართვისთვისა და თანამშრომლობის კულტურის გაძლიერებისთვის მომზადებაა.

მეტი თვალსაჩინოებისთვის, თიბისიმ Develor International-თან ერთად სპეციალური 5 თვიანი პროგრამა შექმნა, რომლის ფარგლებშიც საქართველოში საერთაშორისო ტრენერები ჩამოდიან. პროგრამა 4 მოდულს ფარავს: სტრატეგიული ხედვა, ცვლილელების მართვა, კოლაბორაცია და ადამიანების მართვა/განვითარება. ცნობისთვის, 2023 წელს საქართველოში ლიდერობის 2 პროგრამა ჩატარდა: Leading Leaders – Leadership Pipeline Institute 3 დღიანი ტრენინგი და Self-intelligence at workplace 2 დღიანი ვორქშოპი.

ამასთან, თიბისისა და Bled School of Management-ის თანამშრომლობით სლოვენიაში 5 დღიანი ლიდერობის პროგრამა ტარდება, რომელიც როგორც თეორიულ სწავლებას, ასევე პრაქტიკულ აქტივობებს მოიცავს. ცოტა ხნის წინ, თიბისის თანამშრომლები სწორედ ბლედის მენეჯმენტის პროგრამიდან დაბრუნდნენ და საკუთარი ემოციები გაგვიზიარეს.

ბლედის მენეჯმენტის პროგრამის ერთ-ერთმა მონაწილემ, ქეთევან ახრახაძემ პროგრამის უნიკალური სტრუქტურის შესახებ ისაუბრა და აღნიშნა, რომ თეორიული საკითხები და ვორქშოფის ნაწილი ერთმანეთთან იდეალურად იყო შერწყმული და კომბინირებული. მისივე თქმით, პროგრამა სავსე იყო ინტერაქტიული აქტივობებით, რაც მას გამორჩეულს ხდიდა.

ქეთი კურსის ერთ-ერთმა ნაწილმა განსაკუთრებით აღაფრთოვანა - ნიჩბოსნობის აქტივობა, რომელიც მისთვისაც კი, როგორც თავად ამბობს, ყველაზე არასპორტული ადამიანისთვის დაუვიწყარი აღმოჩნდა. აქტივობა, როგორც სპორტულ ასპექტებს, ასევე დიდი დოზით გუნდურობის, ერთმანეთის გატანისა და მხარდაჭერის ელემენტებს შეიცავდა.

“საქართველოდან გაფრენამდე ვიცოდი რომ საინტერესო პროგრამა მელოდებოდა, თუმცა ქვეყანაში კიდევ უფრო განსხვავებული შეგრძნებებითა და შთაბეჭდილებებით დავბრუნდი. საკმაოდ ძლიერ და ინფორმაციულ კურსთან ერთად, ეს ჩემს ცხოვრებაში საოცარი თავგადასავალი იყო - ახალი ადამიანების, უნარების, შესაძლებლობებისა და შეხედულებების აღმოჩენებით სავსე”. - გვიყვება ქეთი.

[R]