24 ოქტომბერს, სიღნაღის მუნიციპალიტეტის სოფელ ნუკრიანში, სათემო კავშირი „ნუკრიანის“ ორგანიზებით, ფესტივალი „ნუკრიანი 2015“ ჩატარდა.
ფესტივალზე ხალხური რეწვის ნიმუშების გამოფენა-გაყიდვა, ასევე, ქართული ტრადიციული კერძების და ადგილობრივი ღვინის დეგუსტაცია მოეწყო, მოდუღდა თათარა და ადგილობრივი სასოფლო-სამეურნეო პროდუქტის გამოფენა-გაყიდვა გაიმართა. სიღნაღის მუნიციპალიტეტის გამგეობის ინფორმაციით, წელს პირველად, ნუკრიანობაზე გაიმართა სამოყვარულო რაგბის "თაჩ-ტურნირი", რითაც საფუძველი ჩაეყარა ყოველ წელს „ნუკრიანობას” ჩატარდეს სამოყვარულო რაგბის ფესტივალი.
ფესტივალის ფარგლებში შეჯიბრი სპორტის სხვადასხვა სახეობებში, მათ შორის ჭიდაობაშიც გაიმართა. ფალავანს, გიორგი ალექსიზეს, ქართული ტრადიციის მიხედვით, „ჭედილა“ გადასცეს.
ფესტივალი ადგილობრივი ანსამბლების მიერ შესრულებული ქორეოგრაფიული კონცერტით დასრულდა. ნუკრიანის ფესტივალი 2009 წლიდან ტრადიციულ ხასიათს ატარებს და ყოველი წლის ოქტომბერში იმართება.
მასალის გამოყენების პირობები