დღეს გამართულ გურჯაანის მუნიციპალიტეტის საკრებულოს სხდომაზე სოციალურად დაუცველი სტუდენტების დაფინანსების საკითხი განიხილეს.
-სოციალურ პაკეტში შევიდა ცვლილება. დაფინანსების კრიტერიუმად განისაზღვრა ობოლი და ამასთან ერთად, სოციალურად დაუცველი კატეგორია. მხოლოდ ობოლი ან მხოლოდ სოციალურად დაუცველი გურჯაანის მუნიციპალიტეტში საკმაოდ ბევრია, ამის ბიუჯეტი არ გვქონდა. სიაც მოვიძიეთ და ასეთი სულ 75 სტუდენტია. ზოგადი სიაა და კიდევ გადაიხედება. ეს იქნება სტუდენტთა თანადაფინანსება, მათ უნდა წარმოადგინონ დანარჩენი თანხის დაფარვის ცნობა და ჩვენ მაქსიმუმ 500 ლარით დავეხმარებით."- აღნიშნა გურჯაანის მუნიციპალიტეტის საკრებულოს სოციალურ საკითხთა კომისიის თავმჯდომარემ ნათია გიორგაძემ.

მისივე ინფორმაციით, სტუდენტები დაფინანსებას მომავალი სასწავლო წლიდან მიიღებენ.