ინგა ბიტარაშვილი უკვე რამდენიმე წელია, საქართველოს საჯარო სკოლების პედაგოგები სამედიცინო დაზღვევის პოლისით სარგებლობენ. გურჯაანის მუნიციპალიტეტში მცხოვრები მასწავლებლები, 2011 წლამდე, კომპანია `ალდაგი ბისიაიში~ იყვნენ დაზღვეულები, თუმცა მიმდინარე წელს, მათგან დამოუკიდებლად, ის `ჯიპიაი ჰოლდინგმა~ ჩაანაცვლა. პედაგოგები მომსახურების ახალი პირობებით უკმაყოფილოები არიან და მიიჩნევენ, რომ მათი აზრი უნდა გაეთვალისწინებინათ. გურჯაანის მუნიციპალიტეტის საჯარო სკოლების პედაგოგები 2009 წლის 31 დეკემბრიდან 2010 წლის 31 დეკემბრამდე, სადაზღვევო კომპანია `ალდაგი ბისიაიში~ იყვნენ დაზღვეულები. როგორც ისინი ამბობენ, `ჯიპიაი ჰოლდინგის~ პოლისით გაცილებით ნაკლებ მომსახურებას იღებენ. "დეკემბერში პოლისებს ვადა გაუვიდა და გვეგონა ისევ `ალდაგი ბისიაიში~ დაგვაზღვევდნენ. უკმაყოფილოები ვართ იმიტომ, რომ `ჯიპიაი ჰოლდინგი~ ისეთ მომსახურებას არ გვინაზღაურებს, როგორიცაა მაგალითად: ოფთალმოლოგია, სტომატოლოგიური მომსახურება და რეცეპტის გარეშე მედიკამენტებზე ფასდაკლება. ამ ყველაფრით გასულ წელს ვსარგებლობდით, იანვრიდან კი ეს შესაძლებლობა აღარ გვაქვს," _ ამბობენ პედაგოგები, თუმცა `სპექტრთან~ საუბარში ვინაობის დასახელებისგან თავს იკავებენ. "ბუნებრივია უკმაყოფილო ვარ. რატომ შეცვალეს სადაზღვევო კომპანია ვერ გავიგე. ამის შესახებ არც გვკითხეს, ჩვენი აზრი ხომ უნდა გაეთვალისწინებინათ? დეკემბრის თვეში სტომატოლოგიური მომსახურებით ვსარგებლობდით `ალგადი ბისიაის~ პოლისით 30 პროცენტიანი ფასდაკლება მქონდა, ახალი პოლისით კი ამ მომსახურებაზე უარი მითხრეს," _ გვითხრა უკმაყოფილო პედაგოგმა. მნიშვნელოვანია ის ფაქტი, რომ სადაზღვევო კომპანია `ჯიპიაი ჰოლდინგის~ ვებ_გვერდზე ინფორმაცია დევს იმის შესახებ, რომ პედაგოგების სამედიცინო დაზღვევის პოლისში სტომატოლოგიური მომსახურებაცაა გათვალისწინებული თუმცა რეალურად ეს ასე არ არის.გაზეთი `სპექტრი~ შეეცადა გაერკვია რამ გამოიწვია სადაზღვევო კომპანიების შეცვლა. საკითხის გასარკვევად საქართველოს განათლებისა და მეცნიერების სამინისტროს 2011 წლის 2 მარტს შემდეგი კითხვებით მივმართეთ. 1. რამ გამოიწვია აღნიშნული ცვლილება?2. ვისი გადაწყვეტილებით მოხდა სადაზღვევო კომპანიის შეცვლა?3. სადაზღვევო კომპანიის შერჩევამდე, გაითვალისწინეთ თუ არა პედაგოგების აზრი, ანუ თუ ჰქონდათ არჩევის საშუალება?4. მისამართზე www,gpih.ge- ზე მინიშნებულია, რომ პედაგოგებს 2010 წლიდან `ჯიპიაი ჰოლდინგი~ გაუმჯობესებულ პირობებს სთავაზობს და რომ პედაგოგებს სამედიცინო დაზღვევაში სტომატოლოგიური მომსახურებაცაა გათვალისწინებული, თუმცა რეალურად პედაგოგები ამ მომსახურებით ვერ სარგებლობენ. რამ გამოიწვია აღნიშნული უზუსტობა და რეალურადეს კომპანია აზღვევს თუ არა სტომატოლოგიურ მომსახურებას?აღნიშნულ კითხვებზე პასუხი ამ დრომდე არ მიგვიღია. შევეცადეთ ტელეფონით მაინც დავკავშირებოდით (832 318940), მაგრამ სამწუხაროდ არავინ გვიპასუხა.