ნოემბერში ავტოტრანსპორტიდან გამონაბოლქვის შემცირების ინოვაციურ მიდგომებს განიხილავენ
საქართველოს გარემოსა და ბუნებრივი რესურსების დაცვის სამინისტროს ინიციატივით 2015 წლის 10 ნოემბერს დაგეგმილია კონფერენცია თემაზე: „ავტოტრანსპორტიდან გამონაბოლქვის შემცირების ინოვაციური მიდგომები“.
გარემოსდაცვითი ინფორმაციისა და განათლების ცენტრის ინფორმაციით, ინიციატივა მიზნად ისახავს დაინტერესებულ მხარეებს შორის დიალოგისა და თანამშრომლობის გზით შიდა წვის ძრავებში გამონაბოლქვი აირების შემცირების ინოვაციური მიდგომების/გამოგონებების (საწვავის მისართები, კატალიზატორები და ა.შ) გამოყენების ხელშეწყობას.
„საქართველოს გარემოსა და ბუნებრივი რესურსების დაცვის სამინისტროს მიერ განხორციელებული საკანონმდებლო ცვლილებების შედეგად ქვეყანაში მოქმედი საწვავის (ბენზინისა და დიზელის) ეროვნული სტანდარტი ყოველწლიურად მკაცრდება და უახლოვდება ევროპულს, მაგრამ მიუხედავად ამისა ავტოტრანსპორტის გამონაბოლქვით ატმოსფერული ჰაერის დაბინძურება კვლავ მწვავე პრობლემად რჩება. ამიტომ, მსუბუქი ავტომობილებისთვის გზისთვის ვარგისობაზე სავალდებულო ტესტირების, მათ შორის გამონაბოლქვის კონტროლის, ამოქმედებამდე სასურველია გამოიძებნოს ამ პრობლემასთან ბრძოლის ალტერნატიული გზები", - აღნიშნულია გარემოსდაცვითი ინფორმაციისა და განათლების ცენტრის მიერ გავრცელებულ განცხადებაში.
კონფერენციაში მონაწილეობისთვის, საჭიროა მსურველები დარეგისტრირდენენ, ხოლო გამოსვლის შემთხვევაში პრეზენტაცია მოთხოვნილი ფორმატით წარადგინონ შემდეგ ელექტრონულ მისამართზე:
This e-mail address is being protected from spambots. You need JavaScript enabled to view it
, არაუგვიანეს 30 ოქტომბრისა.
ინფორმაცია კონფერენციის დეტალების და დღის წესრიგის შესახებ ხელმისაწვდომი გახდება რეგისტრაციის დასრულების შემდეგ.
დამატებითი ინფორმაციის მისაღებად დაუკავშირდით: ნოე მეგრელიშვილს, მობ.: +995 595 11 97 35; ელ. ფოსტა:
This e-mail address is being protected from spambots. You need JavaScript enabled to view it
. ცენტრის ცნობით, პრეზენტაცია წარმოდგენილი უნდა იყოს PowerPoint-ის ფორმატში, სადაც ასახული იქნება გამოგონების/ინიციატივის ძირითადი არსი; სამეცნიერო-ტექნიკური დასაბუთება; გამოცდის შედეგები/სარგებელი, ნაკლოვანებები და დანერგვის შესაძლო გზები. ავტორებს პრეზენტაციისთვის დაეთმობათ 10-15 წთ.
მასალის გამოყენების პირობები