უკვე ერთ თვეზე მეტია, რაც გურჯაანისა და სიღნაღის მუნიციპალიტეტების პირველი პირის თანამდებობა თავისუფალია. "ადგილობრივი თვითმმართველობების შესახებ~ საქართველოს ორგანული კანონის 33-ე მუხლის თანახმად (28.12.2009), საკრებულოს თავმჯდომარე, `საკრებულოს თანხმობით თანამდებობაზე ნიშნავს და თანამდებობიდან ათავისუფლებს გამგებელს (მერს)". თუმცა როგორც აღნიშნულ უწყებაში განმარტავენ, გამგებლის პოზიციაზე, ამ დრომდე კანდიდატი არ ჰყავთ. გურჯაანის მუნიციპალიტეტის გამგებლის მოვალეობას გიორგი პეტრუზაშვილი ასრულებს. `კანონმდებლობის მიხედვით, რა თქმა უნდა, საკრებულოს თავმჯდომარე თავად შეარჩევს პიეოვნებას, რომელსაც შემგომ საკრებულოს წევრებს სესიაზე წარუდგენს. სხდომის დასრულების მერე ბრძანება იწერება და ამის შემდეგ ინიშნება გამგებლად. ეს არის სამართლებრივი ფორმა. ხალხში არაერთ პიროვნებაზე გავრცელდა ინფორმაცია, რომ გამგებლად ინიშნება, თუმცა ყველაფერი ჭორის დონეზეა, ამ ეტაპზე კანდიდატი არ გვყავს," _ აღნიშნა `სპექტრთან~ საუბარში გურჯაანის მუნიციპალიტეტის საკრებულოს თავმჯდომარე, ზაქარია იაგანაშვილმა.შეგახსენებთ, რომ გურჯაანის მუნიციპალიტეტის გამგებელმა შოთა უტიაშვილმა თანამდებობა გასული წლის 16 დეკემბერს დატოვა და რამდენიმე დღეში კახეთის სამაშველო სამსახურის უფროსის მოვალეობის შემსრულებლად დაინიშნა. აღსანიშნავია ის ფაქტიც, რომ 14 დეკემბერს სიღნაღის გამგებელი ნოდარ კოჭლამაზაშვილიც პირადი განცხადების საფუძველზე გაათავისუფლეს, თუმცა ამას წინ უსწრებდა კახეთის საოლქო პროკურატურის მიერ სიღნაღის მუნიციპალიტეტის გამგეობის ეკონომიკისა და ინფრასტრუქტურის განვითარების სამსახურის უფროსის კახი ღვინიაშვილის დაკავება. ეს ფაქტი საგზაო სამსახურის თანამშრომლების საქმეს უკავშირდებოდა, რომლებიც უფროსთან, რეზო ტუხაშვილთან ერთად, საბიუჯეტო თანხების არამიზნობრივად ხარჯვის ბრალდებით დააპატიმრეს.ამავე საქმეს უკავშირდებოდა გამგებლის, ნოდარ კოჭლამაზაშვილის მოხსნაც. დაუდასტურებელი ინფორმაციით, ის საგზაო სამსახურის ხელმძღვანელთან კორუფციულ გარიგებაში იმყოფებოდა. მიუხედავად ამისა, ნოდარ კოჭლამაზაშვილი, სამსახურის გარეშე არ დარჩა და იგი ამჟამად სიღნაღის მუნიციპალიტეტის საგანმანათლებლო რესურსცენტრის უფროსია.გარდა სიღნაღისა და გურჯაანისა, ამ დროისთვის ყვარლის მუნიციპალიტეტის გამგებლის თანამდებობაც ვაკანტურია. როგორც "სპექტრთან" პრეზიდენტის რწმუნებული კახეთის მხარეში-გუბერნატორის პირველი მოადგილე, გიორგი სიბაშვილი აღნიშნავს, მიმდინარე წლის 30 იანვრის განკარგულებით, ყვარლის მინუციპალიტეტის გამგებელი ლევან გამსახურდია, გუბერნატორის მოადგილედ ინფრასტრუქტურისა და სოფლის მეურნეობის დარგში დაინიშნა.