სოფლის მეურნეობის სამინისტროს სასოფლო-სამეურნეო კოოპერატივების განვითარების სააგენტომ, გაეროს სურსათისა და სოფლის მეურნეობის ორგანიზაციის (FAO) მხაარდაჭერით დაარსებიდან ერთი წლისთავისადმი მიძღვნილი ღონისძიება გამართა. დღევანდელი მონაცემებით, საქართველოში 264 სასოფლო-სამეურნეო კოოპერატივია რეგისტრირებული: კახეთში- 22, ქვემო ქართლში - 41, მცხეთა-მთიანეთში -11, შიდა ქართლში - 32, სამეგრელო-ზემო სვანეთში - 22, გურიაში - 27;აჭარაში - 30, სამცხე-ჯავახეთში - 28, იმერეთში - 28, რაჭა-ლეჩხუმში - 11, თბილისში - 1. კოოპერატივების საქამიანობის სფეროებია: მემარცვლეობა, მეფუტკრეობა, მებოსტნეობა, მეხილეობა, მევენახეობა, მეღვინეობა, მეცხოველეობა და მეკალმახეობა. ღონისძიება საგამოფენო ცენტრ ექსპო-ჯორჯიაში ჩატარდა. დამსწრე საზოგადოებას სიტყვით მიმართეს სოფლის მეურნეობის მინისტრმა ოთარ დანელიამ, საქართველოში ევროკავშირის წარმომადგენლობის ხელმძღვანელის მოვალეობის შემსრულებელმა ბორის იაროშევიჩმა, საქართველოში გაეროს სურსათისა და სოფლის მეურნეობის ორგანიზაციის (FAO) წარმომადგენლის მოადგილემ, მამუკა მესხმა და სასოფლო-სამეურნეო კოოპერატივების განვითარების სააგენტოს თავმჯდომარემ გიორგი მიშელაძემ.