ყოველდღე, შუადღის პირველ საათზე მუსლუმ ახმედოვი კაზლარელებს აუწყებს, რომ რწმენა და უფლის დიდება კაცობრიობისთვის აუცილებლია. ის უკვე ორი წელია, რაც ამინია და თანასოფლელების რწმენაში განმტკიცება ევალება. ამბობს, რომ ამ საქმეს სიამოვნებით ემსახურება, მეჩეთშიც შეგვიყვანა და იმ წესების შესახებ გვესაუბრა, რომელიც მისი ყოვედღიური ჩვეულებაა. -"ეს მეჩეთი ხალხმა ააშენა, აქ რომ ხალიჩებს ხედავთ, ესენიც მორწმუნეებმა მოიტანეს. ყოველთვის შუადღეს პირველ საათზე მოვდივარ. ვლოცულობთ, ღმერთს ვევედრებით, რომ სიკეთე და ბედნიერება იყოს ქვეყანაზე," _ გვითხრა მან. შემდეგ კარადიდან საგულდაგულოდ შენახული ყურანი გამოიღო დამის არრსა და დანიშნულებაზე გაამახვილა ყურადღება. -"ეს არის წიგნი, რომელშიც სიბრძნე და ჭეეშმარიტება წერია. ძალიან ბევრ ისეთ რამეს მოგვითხრობს, რაც თქვენ ბიბლიიდან იცით. პირველად იყო იესო ქრისტე. მას მერე უკვე 2013 წელია გასული. 1438 წელია რაც ჩვენი სარწმუნოება არსებობს. მთავარი არის ის, რომ მუსულმანობაც, ქრისტიანობაც სიყვარულს ქადაგებს." მისივე თქმით, ალაჰი მოუწოდებს მის მიმდევრებს, პატივი სცენ ერთმანეთს, შვილმა დაუჯეროს მშობლებს, არ იქურდოს, არ შეშურდეს მეზობლის, დაეხმაროს გაჭირვებულს. -"ხალხმა ერთმანეთის სიყვარულით და პატივისცემით უნდა იცხოვროს, ეს არის მნიშვნელოვანი. ამას გვეუბნება ღმერთი." მუსლუმ ახმედოვმა გვითხრა, რომ სოფელში მის სიტყვას ენდობიან და აფასებენ. -"როდესაც ერთმანეთში რაიმე გაუგებრობა მოსდით, სანამ პოლიციაში წავლენ, საქმის გასარკვევად ჩემთან მოდიან და მეუბნებიან მტყუან-მართალი გავარჩიო. ეს ასეც უნდა იყოს. ჩემი ვალია, ისინი სწორ გზაზე დავაყენო და დავის მშვიდად გადაჭრაში დავეხმარო," _ გვითხრა მან. დასასრულს კი ყოფით პრობლემასაც შეეხო. -"მეჩეთში აუცილებელია, რომ დენი მქონდეს. როდესაც ლოცვას ვიწყებ, სოფელს მიკროფნით უნდა გავაგებინო. დაახლოებით ორი თვის წინ ენერგოდისტრიბუციიდან რომ მოვიდნენ, მითხრეს აბონიმენტი უნდა გაიხსნასო. როგორც ამიხსნეს, ამისთვის ოთხასი ლარი იყო საჭირო. ვინ უნდა გადაიხადოს ეს ოთხასი ლარი? ამას მოსახლეობას ვერ მოვთხოვ. ამის შესახებ ადგილობრივ ხელმძღავნელობასაც ვესაუბრე. ჯერჯერობით გადაწყვეტით არ ვიცი რა იქნება. დენი სულ რაღაც ათი წუთით მჭირდება და ამისთვის ოთხასი ლარი უნდა გადავიხადო?" _ აღნიშნა მან. ამ კითხვით "სპექტრმა" კაზლარის ტერიტორიული ორგანოს რწმუნებულ ზაურ ალიევს მიმართა. ალიევის განმარტებით, მეჩეთსა და სოფლის ჭაბურღილს ერთ ხაზზე ჩართავენ, სააბონენტოს თანხას კი მუნიციპალიტეტის გამგეობა დაფარავს. ლანა გულოშვილი