იორმუღანლოს თემის მოსახლეობის დიდი ნაწილი მესაქონლეობითაა დაკავებული. მეცხვარეობა და მეძროხეობა მათი შემოსავლის ძირითადი წყაროა. იორმურანლოელი ახმედ მამედოვი ამბობს, რომ წელიწადის ნახევარს ოჯახისგან მოშორებით, მთაში ატარებს. `მე მწყემსი კაცი ვარ. სოფლიდან გასვლა ხშირად მიწევს. 5_6 თვეს მთაში ვატარებ. ადვილი არ არის ახლობლებისგან, ნათესავებისგან მოშორებით ყოფნა, მაგრამ რას ვიზამ, ასეთია ცხოვრება,~ _გვითხრა მან.

ახმედ მამედოვმა `სპექტრთან~ დაწვრილებით ისაუბრა მწყემსის ერთი დატვირთული წლის შესახებ. `საქონელი ბარიდან მთაში გაზაფხულზე, აპრილ-მაისის თვეში მიგვყავს. სექტემბრის ბოლომდე მთაში გვყავს და ჩვენც იქ გვაქვს ბინა დადებული. რთულია კარავში ცხოვრება, მაგრამ ამ სირთულესაც თავისი ხიბლი ქავს. ბუნების სიმკაცრესთან შებმა საინტერესოცაა. ძირითადად ბაკურიანში, ან ასპინძაში მიგვყავს ცხვარი და ძროხა. ზამთრის მოახლოებისას უკან ვბრუნდებით. ყოველთვის ვცდილობთ, რომ ფარა უკლებლივ ჩამოვიყვანოთ. 5_6 კაცი ერთად მივდივართ ხოლმე, რადგან მარტო წასვლა შეუძლებელი იქნებოდა. ერთმანეთს ვატანინებთ იქ ყოფნას. სექტემბრის მიწურულს ვბრუნდებით. ბარში ყოფნისას საქონელი ბინაზე გვყავს, ფერმებში _ დედოფლისწყაროში, ან სადმე მაგ ტერიტორიაზე. მომავალი წლიდან კი ყველაფერი თავიდან იწყება. ცხვარი, რომ ძალიან მოსავლიანი საქონელია ყველა დამეთანხმება. მისი ყველი ხომ განთქმულია, საინტერესოა თვითონ ყველის გამოყვანაც, ერთგვარი რიტუალია. ეს ცხოველი ერთ მოწველაზე რძეს უხვად არ იძლევა. თითო ჭიქით უნდა მოგროვდეს. ფასიც ამიტომ აქვს ძვირი. ყველის გარდა_მატყლს იძლევა, რაც ასე მნიშვნელოვანია ოჯახისთვის. განსაკუთრებით ქალბატონებს უხარიათ მატყლის სახლში მიტანა,~ _ ამბობს ახმედ მამედოვი.

`სპექტრთან~ მან ჩაქაფულის მომზადებაზეც ისაუბრა. `ძალიან გემრიელია ცხვრის ხორცით მომზადებული ჩაქაფული. მოთუშული ხორცი ტყემალში, ბლომად, ნაინაირი მწვანილით. ეს საჭმელი გაზაფხულზე უკეთესია, როცა ბატკნის ხორცით კეთდება,~ _ გვითხრა მან და იქვე დასძინა, რომ კაცი ნებისმიერ საქმეს გულით უნდა მოეკიდოს. იორმუღანლოელები ადასტურებენ, რომ მათი შემოსავლის ძირითადი წყარო საქონელია, ამიტომ ბირჟაზე შეკრებილი მამაკაცები მწყემსებზე მადლიერებით და პატივისცემით საუბრობენ. ლანა გულოშვილი