გემრიელი საჭმელი ყველას უყვარს. დიდს, პატარას, ქალს თუ კაცს. კულინარიაში კარგად გარკვეული ადამიანები ამბობენ, რომ არსებობს ევროპული და აღმოსავლური კერძები. ევროპული სამზარეულო ასათვისებლად უფრო მსუბუქია. ამავე დროს საჭმელში შერწყმული ტკბილი და მჟავე, ცხარე და მწარე სურნელება მას მეტად პიკანტურს ხდის. რასაც ვერ ვიტყვით აღმოსავლურ საჭმელებზე. ეს უკანასკნელი ძირითადად ხორცით და გაცილებით მსუყე ინგრედიენტებითაა გაჯერებული. ვერც ტკბილისა და მწარის კომბინაციას შეხვდებით კავკასიურ კერძებში. ქართული და აზერბაიჯანული სამზარეულო თითქმის წააგავს კიდეც ერთმანეთს.

აღმოჩნდა, რომ იორმურანლოელ მამაკაცებსაც ის საჭმელები მოსწონთ, რასაც ქართველი კაცები ამზადებინებენ მეუღლეებს. `ხორცის სუპი, შემწვარი კარტოფილი, ცხვრის მწვადი, ძროხის ხორცის ხაშლამა. ძირითადად ამ საჭმელებს მივირთმევთ. მგონი ქართული და აზერბაიჯანული კერძები გემოთი ერთმანეთს ჰგავს,~ _ ამბობს ჯამბულ ასტანოვი. დიასახლის ოლია ასიბოვის თქმით, მას ოჯახში ხშირად სთხოვენ გუფთისა და კატლეტის მომზადებას. `საჭმელში წამყვანი მასალა, მაინც ხორცია. ძირითადად გუფთას, ბოზბაშს, ტოლმას და კატლეტს ვაკეთებ ხოლმე. ჩემს სახლში ეს კერძბი უყვართ. ასევე ძალიან გემრიელია აზერბაიჯანული საჭმელი კრეჩკა. ამასაც ხშირად ვამზადებ.~ `სპექტრი~ შეეცადა აზერბაიჯანელი ქალბატონებისგან ეროვნული სამზარეულოს შესახებ კიდევ უფრო მეტი შეეტყო. თუმცა წინასაახალწლო დღეებში ისინი სახლებისკენ აჩქარებული ნაბიჯით მიემრათებოდნენ და ამბობდნენ, რომ სასაუბროდ არ ეცალათ. მამაკაცების უმრავლესობა კი თანხმდება, რომ ხორცით მომზადებული საჭმელი გაცილებით ნოყიერი და გემრიელია, ვიდრე მცენარეული.