როგორ აფასებს იორმუღანლოს მოსახლეობა ამნისტიის გადაწყვეტილებას?

თელმან გაჯიევი: `არ ვიცი ციხიდან რომ გამოვა, ვინ რას გააკეთებს, მაგრამ ჩემი აზრით, იქ ბევრი ტყუილად ზის და უდანაშაულოა. ამიტომ მივესალმები იმას, რომ ხალხს ამნისტიით უშვებენ.~ აშრაფან ხალილოვი: `იქ კომისია შედის და ისინი არჩევენ, ვინ გამოუშვან და ვინ არა. ეს კანონი წესიერ ხალხს შეეხო და არა ყაჩაღებს. ჩვენთან სოფელში კარგი სიტუაციაა და სიწყნარეა.~   ჯანთიკა ნურიევი: `ვფიქრობ, დანაშაული არ მოიმატებს. ხალხი შიმშილით იხოცება, იქიდან რომ გამოვლენ წესიერად დაიწყებენ, მუშაობას, რომ ოჯახები შეინახონ. ვის რად უნდა 5-10 წელი ისევ ციხეში ჯდომა. ჩემს ბიძაშვილებს რაღაც ჩაუდეს და თითოს 15 წელი მიუსაჯეს. სხედან ახლა უდანაშაულო ხალხი იქ და დაავადმყოფდნენ კიდეც. ეხლა ისინი რომ გამოვლენ, როგორ ფიქრობთ, რამე ცუდს ჩაიდენენ? ჰოდა რამდენია მასეთი იქ.~ ჯაბირ ალიევი: `ძალიან კარგია ხალხს თუ უშვებენ. მე თვითონაც ვარ იქ ნამყოფი და ვიცი რა პირობებია. ვინც იქიდან გამოვა, ნორმალური ადამიანი, ისე აღარ მოიქცევა, რომ ისევ უკან მოუწიოს დაბრუნება. არა მგონია ამ ხალხის გამოშვებით მდგომარეობა გართულდეს.~ სულხან ფაშაიევი: `მე თვითონ პატიმარი ვარ და პირობითი მაქვს მისჯილი. ხელმეორედ არავინ არ იქურდებს და იყაჩაღებს.~