მათ ვინც სხეულის წონის კლებითაა დაინტერესებული, კალორიების ზღვრული ნორმის მიღება ესაჭიროებათ. არსებობს პროდუქტტები, რომელთა მიღება ორგანიზმში კალორიათა აქტიურ წვას უწყობს ხელს. 1. გრეიფრუტი უზომოდ დიდი რაოდენობის C ვიტამინს შეიცავს, რაც ინსულინის რაოდენობას დაბლა სწევს, აძლიერებს მეტაბოლიზმს და შესაბამისად წონის კლებაზეც ეფექტურად მოქმედებს. გრეიფრუტი ორგანიზმში არსებული ცხიმების "მტრადაა" ცნობილი. 2. ნიახური ამ მცენარის ფესვი, ღერო და ფოთლები სასარგებლო ნივთიერებათა საბადოა. მისი წვენი დიდი რაოდენობით შეიცავს ბიოლოგიურად აქტიურ ორგანულ ნატრიუმს. ნიახური დაბალკალორიული და კარგი შარდმდენი საშუალებაა, იგი ასევე კარგად უწყობს ხელს ცხიმების შლას. მათ ვისაც ხშირად წახემსება უყვართ ნიახური საუკეთესო საშუალებაა შიმშილის მოსაკლავადაც. 3.ლობიო სხვა პარკოსანთა მსგავსად ცილის უშრეტ წყაროს წარმოადგენს. დიეტოლოგები გვირჩევენ სხეულის წონის კლებისთვის ხშირად შევიტანოთ რაციონში ლობიო, იქნება ეს მისგან მომზადებული კერძი, სხვა კერძის თანმხლები გარნირი, თუ ამა თუ იმ სალათის ინგრედიენტი. 4. მწვანე ჩაი აქტიურ მონაწილეობას იღებს კალორიების წვაში, იგი ცხიმებთან ბრძოლის უებარ საშალებად მოიაზრება, არეგულირებს ნივთიერებათა ცვლის პროცესებს, აუმჯობესებს მეტაბოლიზმს, ხოლო ყოველივე ეს კი სხეულის წონის კლებასთან პირდაპირპროპორციულია. დიეტოლოგების თქმით, დღეში 3 ფინჯანი მწვანე ჩაის მიღება, ძალზე მსუქანი ადამიანის დაკლების გარანტიცაა. 5. დიეტოლოგთა მიერ შერჩეულ რაციონში თევზს უცვლელი ადგილი უკავია. პროდუქტის ეს ნაირსახეობა (იქნება ეს მდინარის, ტბის თუ ოკეანის თევზი) ვიტამინებითა და მიკროელემენტებით უხვად გაჯერებულია, ნაკლებად კალორიულია და მეტად სასარგებლოა. სწორედ ამიტომაა მისი რეგულარული მიღება აუცილებელი. 6. ყავაში შემავალი მთრიმლავი ნივთიერებები ხელს უწყობენ საჭმლის მონელების გაუმჯობესებასა და მეტაბოლიზმს, რაც დადებითად აისახება წონის კლებაზე. მეცნიერებმა დაამტკიცეს, რომ ყავაში შემავალი კოფეინი ადამიანებს გონებრივი სირთულეების გადალახვაში ეხმარება და დადებითად ზემოქმედებს ინტელექტუალურ მონაცემებსა და ლოგიკურ აზროვნებაზე. 7. ავოკადო, ეს გახლავთ უძვირფასესი დიეტური პროდუქტი საჭმლის მონელების დარღვევისას. ის ამცირებს ცუდი ქოლესტერინის შემცველობას და აღადგენს ძალებს. დიეტოლოგები გვირჩევენ მენიუში ჩავრთოთ ავოკადო, დავამატოთ იგი სხვადასხვა სალათებს, ან თუნდაც მივიღოთ გუაკამოლეს უგემრიელესი საწებლის სახით. 8. რამდენადაც გასაკვირი არ უნდა იყოს, სხეულის წონის კლებაში წითელ წიწაკასაც მიუძღვის გარკვეული წილი, რამდენადაც იგი მადას აქვეითებს და მეტაბოლიზმს აუმჯობესებს. წითელი წიწაკის სულ 1 მწიკვის დამატებაც საკმარისია კერძში, რომ 25 %–ით გაუმჯობესდეს მეტაბოლიზმი, დაბლა დაიწიოს სისხლში არსებული შაქრის დონე და რაც მთავარია მადა დააქვეითოს. 9. ბრაზილიური კაკალი უხვად შეიცავს სელენას, რომლის უკმარისობაც ნაადრევ სიბერეს იწვევს. სულ 2 კაკლის მირთმევაა საჭირო, რომ თქვენმა ორგანიზმმა სელენას დღიური ნორმა შეივსოს. ბრაზილიური კაკალი ასევე შეგმატებთ სიმხნევესა და ენერგიას, სილამაზესა და სუფთა კანს. იგი ასევე აუმჯობესებს კუჭ–ნაწლავის მომნელებელი სისტემის რიტორიკას, დადებითად აისახება მეტაბოლიზმზე. ეს უკანასკნელი კი კარგად აისახება სხეულის წონის კლებაზე.