[caption id="attachment_783" align="alignleft" width="225" caption="ჟანა ნემსაძე საჩუქრით კმაყოფილია"][/caption] ნინო კორაშვილი რამდენიმე დღის წინ საერთაშორისო-საქველმოქმედო ორგანიზაცია `ქაუნთერ ფართის~ წარმომადგენლებმა თელავსა და ახმეტაში მცხოვრებ შეზღუდული შესაძლებლობების მქონე პირებს ეტლები გადასცეს. ერთ-ერთი ასეთი იყო ჟანა ნემსაძე, რომელიც საჩუქრით კმაყოფილია. "მადლობელი ვარ ყველა იმ ადამიანის, ვინც მეხმარება და გვერდში მიდგას," – აღნიშნა ჟანამ `სპექტრთან~ საუბარში. ორგანიზაცია `ქაუნთერ ფართ ინთერნეიშენალის~ დირექტორის, ირაკლი ტორუას თქმით, შეზღუდული შესაძლებლობების მქონე პირებისთვის ეტლების გადაცემა საქართველოს ყველა რეგიონში მომავალშიც გაგრძელდება. `დღეს, ინვალიდის ეტლი პატარა ჟანას გადავეცით. ჩვენმა ორგანიზაციამ, კახეთის გუბერნატორის ადმინისტრაციის ინიციატივით, ეტლი კახეთში მცხოვრებ 80 ადამიანს გადასცა. პროექტი იმ პირების დახმარებას ისახავს მიზნად, ვისაც დამოუკიდებლად გადაადგილება არ შეუძლია. კახეთის გარდა, ინვალიდის ეტლები დავარიგეთ მცხეთა-მთიანეთში, სამეგრელოსა და გურიაში. ახლო მომავალში ასეთი აქციის მოწყობას აჭარაშიც ვგეგმავთ,~ – აღნიშნა `სპექტრთან~ საუბარში ირაკლი ტორუამ. "პროექტი გუბერნატორის ინიციატივით ხორციელდება. ჩვენ არასამთავრობო ორგანიზაცია, `ქაუნთერ ფართს~ მივმართეთ, რომელმაც 80-მდე ეტლი გადმოგვცა, 30 კი _ სხვა ორგანიზაციებიდან შემოვიტანეთ, რომლებიც კახეთის მუნიციპალიტეტებში მოთხოვნის მიხედვით გადანაწილდა. მსგავსი სახის აქციები მომავალშიც გაგრძელდება," – გვითხრა გუბერნატორის სახემწიფო ზედამხედველობის სამსახურის უფროსმა ზაქარია ტერტერაშვილმა. ელავის შემდეგ, `ქაუნთერ ფართის~ წარმომადგენლებმა ახმეტაში მცხოვრები ინვალიდებისთვის 49 ეტლი ჩაიტანეს. ფონდი `ქაუნთერ ფართი~ 6 წელია საქართველოში შეზღუდული შესაძლებლობების მქონე ადამიანებისთვის ეტლებს არიგებს. ამ ხნის განმავლობაში, აღნიშნულმა ორგანიზაციამ ინვალიდის სავარძელი 2 ათას 750 ადამიანს გადასცა.