საქართველოს ქალ მოჭადრაკეთა ნაკრები მსოფლიოს გუნდური ჩემპიონატის გამარჯვებულია. ქართველმა მოჭადრაკეებმა ზედიზედ მე-8 დაპირისპირება მოიგეს. ტურნირის გადამწყვეტ ბოლო ტურში ჩინეთის გუნდს დაუპირისპირდნენ და მეტოქე ორნახევრით-ერთნახევარი დაამარცხეს. ნაკრების ორი წევრი ბელა ხოტენაშვილი და ლელა ჯავახიშვილი კახეთის საჭარდაკო სკოლის აღზრდილები, კახეთის საჭარდრაკო ფედერაციის გამგეობის და საჭადრაკო კლუბ „კახეთის“ წევრები არიან. ჩინელებთან შეხვედრაში ბელა ხოტენაშვილმა, ნინო ბაციაშვილმა და სალომე მელიამ თავიანთი პარტიები ყაიმით დაასრულეს, 19 წლის მერი არაბიძემ კი შენ იანგს სძლია და გუნდს მოაგებინა. საბოლოოდ მსოფლიო ჩემპიონატი საქართველოს ქალ მოჭადრაკეთა ნაკრებმა 17 ქულით პირველ ადგილზე დაასრულა. მსოფლიოს ჩემპიონის ტიტული საქართველოს ქალთა ნაკრების მეხუთე უმნიშვნელოვანესი გამარჯვებაა: 1992, 1994, 1996 და 2008 წლებში ჩვენმა გუნდმა ოლიმპიადა მოიგო. კახეთის გუბერნატორი ირაკლი შიოლაშვილი და სახელმწიფო რწმუნებულის გუბერნატორის ადმინისტრაცია ულოცავს ქართველ მოჭადრაკეებს დიდ გამარჯვებას და უსურვებს შემდგომ წარმატებებს.