გურჯაანის მუნიციპალიტეტის სოფელ კაჭრეთში, სასტუმრო „ამბასადორში“ საჯარო სკოლებს შორის ინტელექტუალური თამაშის „რა? სად? როდის?“ საგაზაფხულო, მე-12 სერიის ფინალური ტური ჩატარდა. „ფინალში გავიდნენ, ჭანდრისა და ბაკურციხის, ასევე, ქალაქ გურჯაანის პირველი, მეორე და მეოთხე საჯარო სკოლების გუნდები. გამარჯვებული გუნდი ტრადიციულად ბროლის ბუს მფლობელი გახდა. გუნდის წევრებს საჩუქრად გადაეცათ სპორტკომპლექსის საცურაო აუზის აბონემენტები, წიგნები და სერტიფიკატები. გუნდის კაპიტანს - ნიკა ქურთიაშვილს კი გურჯაანის მაჟორიტარმა დეპუტატმა დავით სონღულაშვილმა ბაქოს ორკაციანი საგზური გადასცა. სეზონის საუკეთესო მოაზროვნის პრიზი, მაღაზია „ბიბლუსის“ 100-ლარიანი ვაუჩერი ახაშნის საჯარო სკოლის გუნდის კაპიტანს - ვანო ლიპარტაშვილს ერგო. პლანშეტით დასაჩუქრდა ფინალური ტურის საუკეთესო გოგო მონაწილე, მე-4 საჯარო სკოლის გუნდის კაპიტანი ანი ჭყოიძე. კაპიტნების შეკითხვების გამარჯვებულს, ჭანდრის სკოლის გუნდის კაპიტანს ზეზვა ელიზბარაშვილს კი გურჯაანის სპორტკომპლექსის საცურაო აუზის აბონემენტი გადაეცა. გვინდოდა ფინალი განსხვავებული ყოფილიყო, ამიტომ ამ ღონისძიებისთვის ამბასადორი შევარჩიეთ.“
„პირველი ნახევრის მერე ნამდვილად არ მეგონა თუ წარმატებას მივაღწევდით, მაგრამ ბრძოლით ყველაფერი შესაძლებელი ყოფილა. ჩემთვის ეს გამარჯვება ძალიან მნიშვნელოვანი იყო იქიდან გამომდინარე, რომ ეს ჩემთვის ბოლო სასკოლო სერიაა. გუნდი დიდი ხნის განმავლობაში ვერ ახერხებდა წარმატების მიღწევას. მაგრამ ამჯერად, პირველ ოთხ ტურში საკმაოდ კარგად ვითამაშეთ და მაღალი ქულები დავაგროვეთ.“