გურჯაანის მუნიციპალიტეტის გამგეობის შენობაში "მიკრო და მცირე მეწარმეობის ხელშეწყობის" პროგრამის მეორე ეტაპის პრეზენტაცია გაიმართა. სახელმწიფო პროგრამა მეორე წელია ხორციელდება, რომლის მიზანია რეგიონებში მიკრო და მცირე ბიზნესის განვითარება, მეწარმეობის მხარდაჭერა და მოსახლეობის შემოსავლების ზრდა.
პროგრამის ფარგლებში მოსახლეობას ეძლევა საშუალება წარადგინოს საკუთარი ბიზნესი და სახელმწიფოს მხრიდან დასაფინანსებლად 5 000, 10 000 და 15 000 ლარი მიიღოს.
"ჩვენი ორგანიზაცია არის არასამთავრობო ორგანიზაცია. გვაქვს პროექტი "ევროპა საქართველოსთვის". ვმუშაობთ ძირითადად ასოცირების შეთანხმებისა და ღრმა და ყოვლისმომცველი თავისუფალი სივრცის შესახებ შეთანხმებაში არსებული საკითხების გაშუქებაზე. გვაქვს ტრენინგების კომპონენტი. დავდივართ რეგიონებში და საჯარო მოხელეებისთვის, რეგიონის ჟურნალისტებისთვის და დაინტერესებული პირებისთვის ვაკეთებთ საინფორმაციო კამპანიებს. მათ ვაცნობთ, თუ რას წარმოადგენს ღრმა და ყოვლისმომცველი თავისუფალი სივრცე, რა სარგებლის მიღება შეუძლიათ ადამიანებს და რა ვალდებულებები აქვთ. ასევე ვესაუბრებით ევროპულ სტანდარტებზე და იმ ნიშურ პროდუქტებზე რომლებზეც არის მოთხოვნა ევროკავშირის ბაზარზე. ეს ინფორმაცია ძალიან მნიშვნელოვანია, რადგან ძალიან ხშირად მას პირველად ჩვენგან იგებენ."- აღნიშნა "ევროპა საქართველოსთვის" ანალიტიკოსმა ზურაბ მოდებაძემ.

მიკრო და მცირე მეწარმეობის ხელშეწყობის პროექტის მეორე რაუნდში დაახლოებით 1500 ბენეფიციარის დაფინანსება და 3000-მდე ბენეფიციარის გადამზადება იგეგმება. პრეზენტაციის შემდეგ დამსწრე საზოგადოებამ მათთვის საინტერესო ყველა კითხვაზე მიიღო პასუხი.









იუჯორჯია.ინფო