იორმუღანლოს სკოლის მეოთხე კლასის მოსწავლეები, სწავლას სკოლის მაგივრად ბაღის შენობაში განაგრძობენ. როგორც ჩვენთან საუბარში პედაგოგმა თეა გურგენიძემ აღნიშნა, გუშინ მშობლები დააშინეს, თუმცა ბავშვები გაკვეთილზე მაინც მოვიდნენ.
„ეს არის ქართული ბაღის შენობა, რომელიც ექვსი წლის წინ გავხსენით. აქ ბავშვები ორის ნახევრამდე არიან. შემდეგ მიჰყავთ. ორ საათზე ჩვენ დავიწყეთ გაკვეთილის ჩატარება. გუშინ მთელი დღის განმავლობაში შეკრებილი იყვნენ მშობლები და სოფლის მოსახლეობა. არავინ მოსულა არც სკოლიდან და არც რაიონიდან. საღამოს, როცა ხალხი დაიშალა, მაშინ ჩამოვიდა რესურსცენტრის ხელმძღვანელი მანანა ცუცქირიძე. შევიდა სკოლაში და მანამდე თუ არავინ გახსენებია, გუშინ ყველა სიყვარულით მოიკითხა. შემდეგ მისმა მეუღლემ და დირექტორის მოადგილემ კარდაკარ ჩამოიარეს, ბავშვების მშობლები ზოგი გალანძღეს და ზოგი დააშინეს. უთხრეს თუ ბავშვები არ მივიდოდნენ სკოლაში, პრობლემები შეექმნებოდათ არა მხოლოდ ბავშვებს, არამედ - მათაც.“
„ეს აბსოლუტური აბსურდია, გადაიღოს ფაქტი და დააფიქსიროს. ჩემი მეუღლე საერთოდ არ ერევა ამ სიტუაციაში. “- გვითხრა მან.
„რომელთა მშობლებიც ვერ შეაშინეს, მოვიდნენ ვატარებთ ქართულის გაკვეთილს. დანარჩენი სამი ბავშვი, ერთი დირექტორის შვილიშვილი და მეორე მისი ბიძაშვილი, ტირილით წავიდნენ აქედან. მე დანებებას არ ვაპირებ. ასე გავაგრძელებ სანამ სამინისტრო არ მიხვდება რამდენი დანაშაული ხდება ამ რაიონში. აქედანაც რომ გამიშვან, ქუჩა-ქუჩა ვივლი, სადაც ქართულით დაინტერესებულ ორ ადამიანს დავინახავ, მივალ და გაკვეთილებს იქაც ჩავატარებ. ჩემი მასწავლებლობა მხოლოდ სკოლით და ხელფასით არ განისაზღვრება.“