საქართველოს იუსტიციის სამინისტროს ეროვნულ არქივი და იაკობ გოგებაშვილის სახელობის თელავის სახელმწიფო უნივერსიტეტი ერთობლივ პროექტს - "თელავი - ისტორია და თანამედროვეობა"- განახორციელებენ.

ეროვნული არქივის მხარდაჭერით, თელავის სახელმწიფო უნივერსიტეტის პროფესორები მეცნიერებისგან დღემდე შეუსწავლელ მასალაზე იმუშავებენ. ამ მასშტაბის კვლევა თელავის ისტორიის შესახებ პირველად ტარდება.

პროექტის მიზანი უტყუარ, არქივში დაცულ პირველწყაროებზე დაყრდნობით, მე-19 საუკუნის ბოლოსა და მე-20 საუკუნის პირველი ოცწლეულის თელავის განვითარების ტენდენციების შესწავლაა.

პროექტის ფარგლებში დამუშავებული ისტორია ეროვნულ არქივში დაცული შესაბამისი ფოტოებითა და დოკუმენტური მასალის გამოყენებით, აკადემიური სახით გამოიცემა.

პროექტი ერთწლიანია და ამ ხნის განმავლობაში თელავის ისტორიის მკვლევართა ჯგუფი ეროვნული არქივის მომსახურებით სრულიად უსასყიდლოდ ისარგებლებს.

პროექტის დასაწყებად, მხარეთა შორის თანამშრომლობის მემორანდუმი 10 თებერვალს, 12 საათზე, თელავის სახელმწიფო უნივერსიტეტში გაფორმდება.