4 დეკემბერს გურჯაანის საზოგადოებრივი ჯანდაცვის ცენტრში თბილისიდან მოწვეული ექიმები, მოსახლეობას შიდსზე და C ჰეპატიტის ვირუსზე უფასო გამოკვლევებს ჩაუტარებენ. სტატისტიკური მონაცემებით, საქართველოში 5 300 ადამიანია შიდსის ვირუსით დაინფიცირებული. მსოფლიოში შიდსის დღე უკვე 28 წელია აღინიშნება. ეს დღე 1988 წელს შიდსის პრევენციის პროგრამით ჯანდაცვის მინისტრების სამიტზე დააწესეს და საზოგადოების ინფორმირებულობას ისახავს მიზნად.