საქართველოს სტატისტიკის ეროვნული სამსახურის ინფორმაციით, 2014 წელს საქართველოში ქორწინებათა რაოდენობამ 31 526 შეადგინა. აღნიშნული მაჩვენებელი წინა წელთან შედარებით 9,1 პროცენტით შემცირდა. საქსტატის ინფორმაციითვე, 2014 წელს რეგისტრირებულ განქორწინებათა რაოდენობამ 9 119 შეადგინა, რაც წინა წლის ანალოგიურ მაჩვენებელს 12,7%-ით აღემატება. საქსტატის მონაცემებით, 2014 წელს ყველაზე მეტი ქორწინება 25-29 წლის ასაკის ადამიანებზე მოდის. მათივე ცნობით, ქორწინებაში არასოდეს იმყოფებოდა 28 194 კაცი და 28 394 ქალი; დაქორწინებულთაგან 259 კაცი და 280 ქალი იყო ქვრივი, განქორწინებული იყო 2 912 მამაკაცი და 2 420 ქალი.